الف اسم الله علي وعلى اخواني .....!!!!!!

[الفتح القريب]

الفجر ... وي طرة الفجر
اكعد على راس العكد
انتظر واحد يمن
وانتظر واحد يحن
وانتظر دينار واحد من حلال
من ايد مستور وعفيف
وانتظر رحمة الباري
يهدي كل واحد شريف
ينطي خبزه لليتامه
ويكتل بروحه حرامه
ويشيل عار جداوتي ... بثلمة ارغيف
مرت العمال غبشه
واني ياخذني الحيه ... وتاخذني رعشه
وتصير نظرات الزلم بضلوعي سيف
ومرت اولاد الشوارع
واحد يصفر عليه
وواحد بشهوه يباوع
تدور دنياي واذوبن
وانتجي اعلى الروح
ياروحي التجالع
يمر واحد
ويمر ثاني
ويمر ثالث
ويجي رابع
كل فرد مشغول بقضيته
بس قضيتهم وياي؟؟؟
منين مادور الوجه كلهه تطالع
ليش يادنيه شجنيت
شنهو ذنبي لان فقره؟
العوز ماخذني اعله بابج
وننزع امية اكصصنه
وانتظر ثلمة خبز...وعيني تطالع
اني حلوه .... وشكد جميله وكلي ايه
مرتبه وينحلف بيه
ولاعباتي انكلت سايه
اني من يحجون عني ...
بيرغ وراية ولايه
بس شسوي .... الفكر ماحذني غصب
وصرت للمايسوه درهم
نكته وحجايه
المهم
رديت العصر
خايبه ومشتعله نار
ردت اسوي روحي خبزه
واطعم اخواني الزغار
الف اسم الله علي
وعلى اخواني
وعلى الفقره
وعلى جاري المارحمني ؟ شلون جار
وعلى كل واحد اخذ مني بلسانه
وشفه كلبه من فكرنه واخذ ثار
والف رحمه على الدنيه
لان كلهه ليل
وابد ماصارت نهار

[قريش]

ان شاء الله اتصير نهار اخونا جزاك الله خيرا

[بغدادية]

عاشت ايدك على القصيدة
دائــما مبــدع باختياراتــكــ
دمت بحفظ الرحمن
اختك
بغــــدادية

[الفتح القريب]

ان شاء الله اتصير نهار اخونا جزاك الله خيرا
أمـــــــين ،،، ويعــــود بلدنــــا ،، بلد الأمن والسلام ،، شكرا على المرور

[نورة العراقية]

فصيدة اكثر من رائعة عاشتت ايدك
تقبل مروري

[الفتح القريب]

قصيدة اكثر من رائعة عاشتت ايدك
تقبل مروري
شــــكرا جــــزيلا ، تشرفــــــت بمرورك الــعطر وتعليـــقك الجمـــيل ....