منـــــاظرة بـــــين شــــــاعـر و بـغــــــداد الحبيـــــبة

[الفتح القريب]

السلام عليكم ورحمة الله

الشاعر : امر عليج دائما وانتي تبجين بثوبج الاسود ووجهج الحزين
أسألج سؤال بس اتجاوبين ؟؟ ليش تبجين ؟
وليش هل الثوب الاسود والوجة الحزين ؟

بغداد : لا هذا الثوب ابيض بس صار اسود من قهر السنين
ووجهي مو حزين بس هذة ملامح الكبر الي ورثتها من ابوية بلاد الرافدين

الشاعر : يعني بعدج مصرة ومتجاوبين ؟؟
ليش تبجين ؟

بغداد : أجاوب بس انطيني دقيقتين ..... أبلع بيها ريكي وامسح بيها دمع العين
ابجي على نفسي الي داسوني المحتلين ....
وابجي على اثاري الي كسروها المخربين
وابجي على دجلتي الي صارت حمرة من دم المساكين
وابجي على عقلي الي اتهجر من راسي
وابجي على ولدي الي صاروا متفرقين وممتوحدين

الشاعر : اه يا بغداد كل هالالم شايلتها وبعدج حية ترزقين ؟
اني لو منج جان انتحرت من زمان وصرت بتعداد المفقودين

بغداد : أنتحر؟؟ شلون انتحر؟؟ او ولدي وين ايروحون منو ايوكلهم ؟؟ منو ايشربهم ؟؟ منو ......
يحضنهم بدفأ وحنين ؟

الشاعر : اه يا بغداد يا بغداد زعلانة على ولدج وبيهم اتفكرين ؟؟!!؟

زين اسالج سؤال بس اتجاوبين ....؟


اذا ولدج اتوحدوا مثل قبل وصاروا قلب على قلب وايد بايد مثل قبل سنين اتنشفين دمعج
وماتبجين ؟؟

بغـــــــداد : لا يبقة بعد عليهم دين ...؟؟؟

الشاعر : شــــــــنو الـــــــدين ؟

بغــــــداد : ايطلعــوني من سجن المحتلــــــين

الشاعر : يـــــــا بغداد انتي تامرين اذا مكفة القلب اخليج برمش العين
اخذ الضحكة من وجهي واخليها على وجهج الحزين
بس ذبي ثوبج الاسود واضحكي مثل ما قبل جنتي تضحكين

لانج خالدة وما تسقطين
ويكفيج شرف انتي عاصمة بلاد الرافدين

[قريش]

عشت ياؤرده

[الفتح القريب]

عشت ياورده
لا ينطـــق بصـــيغة الزهــور إلا من تنطــبق عــليه لفظة الورود ، يـــاوردة ، تحـــياتي .

[الويسي]

http://www.upload.o1-1o.com/up2/13012414151.gifhttp://www.upload.o1-1o.com/up2/13012420912.gif

[ام حمودي]

اااااااااااااااااه يابغداد ياأرض الحضارات..
اللهم اعز الاسلام والمسلمين في كل مكان اللهم وحد كلمتهم ولم شتاتهم برحمتك يا أرحم الراحمين

[الفتح القريب]

http://www.upload.o1-1o.com/up2/13012414151.gifhttp://www.upload.o1-1o.com/up2/13012420912.gif



اااااااااااااااااه يابغداد ياأرض الحضارات..
اللهم اعز الاسلام والمسلمين في كل مكان اللهم وحد كلمتهم ولم شتاتهم برحمتك يا أرحم الراحمين
أمــــــــين يـــــــــارب العـالمـــين .... حــــياكم الله وبـــارك فـــيكم ... تحــــياتي .